Полны наперад!
Завяршылася комплексная мадэрнізацыя складской гаспадаркі ЗАТ "Штадлер Мінск", фінальным этапам якой стаў увод у эксплуатацыю шматузроўневага мезаніна, абсталяванага аўтаматызаванай канвеернай сістэмай, распрацаванай інжынерамі групы кампаній БелСКС з выкарыстаннем канвеерных модуляў Interroll.
Выкарыстанне канвеернай сістэмы дазваляе паскорыць працэс адбору і перамяшчэння камплектуючых для вытворчасці рухомага складу кампаніі, а таксама выключае памылкі пры ажыццяўленні складскіх аперацый.
Група кампаній БелСКС ужо больш за 10 гадоў распрацоўвае і выкарыстоўвае канвеерныя сістэмы Interroll для патрэб прадпрыемстваў і арганізацый, якія працуюць у розных сферах гаспадарчай дзейнасці. Статус «Approved Accelerator», які пацвярджае высокі ўзровень тэхнічнай кампетэнцыі, дазваляе ГК БелСКС таксама аказваць тэхнічную падтрымку і сэрвіснае абслугоўванне кампаніям, якія эксплуатуюць абсталяванне Interroll ці толькі задумваюцца над гэтым.
